Kelas 9: Struktur Teks Drama Modern

 A.    Struktur Teks Drama Modern

Kanggo ngerteni naskah kanthi jangkep lan utuh, mula kudu ana struktur kang ngiket antarane unsur siji lan sijine. Kaya karya sastra liyane, teks drama uga nduweni struktur utawa unsur kang mbangun teks kasebut. Unsur sajrone teks drama kuwi kaperang dadi loro, yaiku unsur intrinsik lan unsur ekstrinsik.

1.      Unsur Intrinsik

a.       Tema

b.      Amanat

c.       Alur

d.      Setting / latar

e.       Tokoh

2.      Unsur ekstrinsik

a.       Kahanane pawongan lan pandangan subjektifitas menyang bab tartamtu. Sikap lan karakter pangripta nduweni pengaruh akeh menyang naskah drama kang ditulis.

b.      Kondisi psikologis pangripta lan pamaca iku dhewe.

c.       Kondisi sacedhake pangripta lan pamaca. Kang dimaksud ing andharan iku yaiku budaya, ekonomi, sosial lan politik. Ing kahanan tartamtu, agama uga nduweni pengaruh ing bab iki.

d.      Cara ndeleng pamaca marang karya sastra iku dhewe.

e.       Urip bebrayane pangripta, wiwit cilik nganthi diwasa.

 

B.     Unsur Kebahasaan Teks Drama

1.      Basa digunakake kanggo nyapa liyan

Basa minangka unsur kang penting nalika ana ing pentas, utamane nalika wiwitane pentas. Drama biyasane kawiwitan kanthi nyapa para pamiarsane. Sapaan kang ana bisa awujud syair, kayata: sugeng rawuh, sugeng siyang, lsp.

Unsur-unsur kabahasan kang diketokake yaiku wujud sapaan kang isine ngaturake sugeng rawuh marang pamiarsa, pangajak kanggo seneng-seneng, atur panuwun krana wis ndeleng pentas drama kasebut. Sapaan kasebut digunakake kareben antarane paraga lan pamiarsane. 

2.      Basa minangka amanat

Basa minangka amanat nduweni fungsi imajinatif, uga kanggo medharake gagasan, pikiran lan pangrasane. Basa minangka amanat bisa awujud nyata uga bisa imajinasi. Basa kang ana ing pentas drama ngandhut pesan moral, prentah utawa pamarentahan. Basa minangka amanat bisa awujud sinurat utawa sinirat.

 

C.    Pesan Moral Teks Drama

Sajrone drama mesthi nduweni amanat sing kaandhut utawa kasirat. Waluyo (2003:28) ngandharake yen amanat sajrone drama bisa luwih gampang dingerteni pamirsa nalika drama kasebut dipentasake. Amanat lumrahe menehi manfaat utawa paedah kanggo kauripane masyarakat . Yen njingglengi tetembungan Horace et Utile, mula amanat luwih fokus marang masalah utile utawa manfaat sing bisa kapetik saka drama iku dhewe. Saengga kabeh karya uga bisa menehi manfaat, kanthi sarat kita kudu bisa njupuk manfaat sing positif saka karya sastra mligine drama.

Wiyanto, (2002:24) menehi watesan ngenani amanat, yaiku amanat minangka pesan moral sing pengin diandharake pangripta marang pamaca nasakah utawa pamirsa drama. Pesan kasebut ora diandharake kanthi langsung, nanging kanthi tersirat ing sajrone lakon. Tegese, pamirsa kudu bisa ndudut pesen moral sing kaandhut sajrone naskah utawa pentas drama.

RN Herman, (2009) ngandharake yen amanat minangka pesen sing pengin diandharake pangripta saka sawijine crita. Yen tema sajroning crita asipat teges, lugas, objektif, lan khusus, amanat luwih umum lan subjektif. Dadi bisa didudut, amanat minangka pesen moral sing pengin diandharake dening pangripta lumantar drama. Ana bab sing positif utawa negatif bisa katon nalika drama dipentasake. Kanthi tujuwan supaya pamirsa bisa ndudut pelajaran sing kaandhut sajrone crita drama.

 

D.    Relasi Isi Teks Drama dengan Kehidupan

Karya sastra yaiku sawijine wadhah kanggo mujudake gagasan, idhe, lan piliran kanthi gegambaran saka pengalaman selawase urip. Sastra nyuguhake pengalaman batin sing dialami pangripta marang masyarakat sing ngugemi karya sasrta. Sasra ora mung gegambaran sosial, nanging nampilake sawijine gagasan ngenani jagade sosiologis. Karya sastra sing becik yaiku karya sing bisa menehi pangaribawa kang becik tumrap masyarakat. Sesambungane sastra karo masyarakat panyengkuyung nilai-nilai kabudayan ora bisa dipisahake, amarga sastra nyuguhake kahanane masyarakat lan kasunyatan-kasunyatan sosial sajrone masyarakat, senajan karya sastra nerokake kahanane alam lan jagade manungsa (Wellek dan Warren, 1990:109). Saliyane iku, sastra nduweni guna kanggo ngontrol kahanane sosial sing mujudake problematika sosial sajrone masyarakat. Babagan mau diandharake dening Jobrahim, ed (1994: 221) yen sastra nampilake gegambaran proses kauripan, dene kauripan yaiku sawijine kasunyatan sosial

Kanthi historis, sajrone sesambungan karo masyarakat sing ngasilake karya sastra dibedakake dadi ring perangan, yaiku sastra klasik lan sastra modern. Sastra klasik uga disebut sastra dhaerah (regional). Nggunakake basa dhaerah.  Dene sastra modern uga bisa disebut sastra Indonesia (nasional), nggunakake basa Indonesia. Minangka karya sastra, kalungguhan sastra klasik lan sastra modern padha, relevansinya gumantung saka sudhut pandhang lan kapentingane masyarakat.

 E.     Teknik Penulisan Teks Drama

Langkah-langkah kanggo nggawe naskah drama, yaiku:

1.      Milih topik

2.      Nemtokake paraga, latar, lan sudhut pandhang

3.      Nemtokake alur utawa plot crita

4.      Nyusun rancangan wiwitane tulisan

Nyusun naskah pungkasan

Link Presensi!