Kelas 9: Istilah sajrone Drama Modren

 Istilah-istilah jroning pagelaran drama:

Istilah-istilah sing gegayutan karo pagelaran drama iku akeh banget. Tuladhane kaya ing ngisor ik:

1. Adegan, yaiku perangane saka babak sing nggambarake sawijine suwasana saka pirang-pirangane suwasana jroning babak.

2. Akting, yaiku tikah laku sing ditindakake paraga kang nuduhake penghayatan manut watak sing diparagakake.

3. Aktor, wong sing nindakake akting.

4. Bloking, yaiku obah lan pindhane paraga drama saka panggonan siji menyang panggonan liyane ing panggung.

5. Melo drama, yaiku salah siji jinise lakon drama sing nggambarake lara lapane panguripan kanthi cara kang bias nuwuhake rasa trenyuhe para penonton.

6. Follow spot, yaiku lampu spot sing disorotake marang paraga kang bisa diobah-obahake manut mobah mosike paraga.

7. Gimmick, yaiku adegan pambuka sawijine lakon sing tujuwane mikut penonton supaya tansah ndeleng terusane lakon sing arep dipentasake.

8. Intonasi, yaiku langgam (nada suara) iramaning wicara jroning masehake tetembungan supaya ora katon monoton.

9. Karakter, yaiku gegambarane paraga dening penulis lakon lumantar sakabehing ciri-ciri jiwa lan ragane tokoh.

10. Karakter teatrikal, yaiku karakter tokoh sing ora wajar, unik, lan luwih asifat simbolis. 

Kegiatan 1 Stuktur teks drama modern

Ing kegiatan siji bisa ngertenana wujude teks drama modern

Mahami struktur teks drama modern

      Wacanen teks drama modern ing ngisor iki kanthi setiti!

Ujian Praktek Drama Basa Jawa

Ana ing sawijining desa ana Ngunut bocah-bocah klas IX smp padha latian drama kanggo ujian praktek pelajaran basa jawa. Erwin bocah sing rada usil ora tau gelem nggarap tugas sekolah mung njagakne kancane. Dheweke marani Dani dijak dolan.

 

Erwin               : Dan, ayo engko dolan !

Dani                 : Gaweanmu dolan ae . Kaya wong ra sekolah.

Erwin               : Ra sah maido kaya bocah sregep ae, gelem apa ora kowe ?

Dani                 : Dolan nyandi lho ?

Erwin               : Yo emboh... Pokoke dolan ben koyo cah gaul ngono lho...

Dani                 : Emmm.. ayo lek ngono. Tapi wegah aku lek nganti bengi, diseneni bapaku !

Erwin               : Hehehe, ora-ora.

Dani                 : Gek nggawa duit apa ora ?

Erwin               : Halah, kuwi dirembug engko ae... Ya wis aku arep mulih

Dani                 : ya, ya.... Engko kowe neng o omahku.

 

Sawise iku Erwin lan Dani dolan. dheweke ora kelingan yen iki mau wayahe kelompok drama B. Jawa kanggo ujian praktek kelas IX. Ing sawijining panggon, Ipul lan Riski nunggu bocah loro mau Bocah loro kuwi ora ngerti ing ngendi Erwin lan Dani.

 

Ipul                  : He, ing ngendi liyane ?

Riski                : Lha ya nyandi sing loro ki, maeng apa ndak krungu di omongi...

Ipul                  : Apa diparani neng omahe ?

Riski                : Omahe sapa ?

Ipul                  : Ya omahe bocah loro kuwi.

Riski                : Lek ora enek piye ? Gek iki urung latihan blas lho...

Ipul                  : Halah kuwi masalah keri, sing penting anggotane wis enek kabeh.

Riskii               : Ya, yen ngono diparani bareng.

 

Banjur Ipul lan Riski mara menyang omahe Erwin lan Dani. Ing kono ora nemoni sapa-sapa. Akhire bocah loro mau mbalik ing omahe Ipul  lan nerusake latihan drama. Akhire ditunggu tekan sore ora teka..

 

Ipul                  : Piye bocah iki ? kok ora enek ketok ?

Riski                : Lha yo piye neh, lek panggah ora gelem kelompok ya golek liyane ae.

Ipul                  : Nah, setuju aku. Ya wis aku pamit. Ki mesthi wong tuwaku wis nggoleki.

Riski                : Oke, dirembug sesuk neng sekolahan ae. Bocahe ditakoni.

Ipul                  : Eh iya, aja lali sesuk nggawa gitar gae musicale.

Riski                : Gampang, ya uwis  ndang muliha.

 

Deni mulih amarga wis maghrib. Sesuke ing sekolahan Deni lan Parman rembugan bab drama B. Jawa. Kanggo ngisi waktu ngenteni Jono lan Supardi bocah loro kuwi ngrembug musik kang bakal digawe.

 

Ipul                  : Ayo sakiki nggawe musik kanggo dramane. Sing tentang lagu daerah ae.

Riski                : Ya angel lho kuwi, lha kowe apa isa ?

Ipul                  : Jajal kene aku (njupuk gitar saka tangane Riski)

Riski                : Halah kemiso, jajal piye....

Ipul                  : (nyanyi gundul-gundul pacul)

Riski                : Hahaha, kuwi rak ya tembang dolanane bocah lho...

Ipul                  : Sing penting lagu daerah lho...

Riski                : Aja, diganti liyane ngono lho.

Ipul                  : Jajal kowe isa apa ora ? (ngekekne gitar marang Riski)

Riski                : (Main gitar)

Ipul                  : Lha kuwi apa ora ya lagu pop.... hahaha

Riski                : Hahaha, lha aku ora isa lho..

Ipul                  : Kene lek ngono aku wae.

Riski                : (Ngekekne gitar) Aku sing nyanyi ya ?

Ipul                  : (Nyanyi karo Riski)

Riski                : Haha, apik kuwi... ya uwis nggae kuwi ae...

 

Sing ditunggu-tunggu mara-mara teko karo mlayu. Ora rumangsa yen ditunggu.

 

Erwin                 : Heh, bocah-bocah wes podo latihan drama Bahasa Jawa, kelompoke awake kok     urung.

Ipul                    : Lha kowe dhekingi nyandi ae ?

Erwin                 : Nyapo aku sing kok takoni....

Ipul                    : Lha wayahe kan kelompok, kowe ya wis diomongi...

Erwin                : Kapan lekmu omong ? ( mulai nesu )

Ipul                   : Ow, kowe wis pikun ya ?

Bu Guru             : He he, enek apa iki ?

Riski                 : Niki, Bu. Erwin kalih Dani dhekwingi mboten purun kelompok drama.

Bu Guru             : Weh weh, lha nyapo kok ora kelompok ki ?

Erwin                 : Lha kula mboten dipun cirosi kok Bu.

Bu Guru             : Iyo to le ? Ora kok omongi ?

Riski                  : Sampun, Bu. Tapi mboten dugi.

Bu Guru             : Lha kuwi kowe ora teka...

Erwin                 : Mboten dipun cirosi bu.

Bu Guru             : Halah wis ora usah ngeyel, ndang gek latihan kelompok

 

Sawise ngono, bocah papat keloipun mpok latian drama. Amarga gotong royong akhire kelompoke iso nampilake drama kang apik lan akeh kanca-kancane sing seneng.

 

Ipul                  : Apik banget gayamu cah, jan pantes dadi artis.

Riski                : Lho ya jelas lah, sopo disek...

Ipul                  : Win, Dan nyapo meneng ae ki.... wis berhasil lho

Erwin               : Aku njaluk sepuro yo, Pul

Ipul                  : Halah, ora apa-apa.... Sing penting iki wis sukses.

Bu Guru           : Lha ya ngono, lek gotong royong bareng kan isa apik asile

 

Erwin lan Dani mulai ngrubah sikape. Sawise kuwi bocah papat maeng oleh nilai Ujian kang paling apik dhewe. Gotong royong lan kerja keras iku bisa ndadekake semubarang gawe dadi gampang lan oleh asil kang becik.

Presensi lan Gladhen