Kelas 9: Struktur Drama Tradisional

Drama tradisional yaiku drama Kang nyeritaake ngenani dewa-dewi lan kasekten utawa perjuangan para pahlawan ing jaman kerajaan. biasane critane kang gambarake salah sawijine kerajaan. saliyane iku drama tradisional uga nduweni struktur yaiku bakal dijabarke ana ing ngisor iki:

Struktur Teks Drama Tradisional

 

Bageyan-bageyan teks drama tradisional yaiku:

 1.      Orientasi   : para paraga dikenalake watake, uga pandhapuke ing drama

2.      Komplikasi: para paraga diadhepake ing prakara (konflik) dhewe-dhewe nganti klimaks.

3.      Resolusi: para paraga wis nemokake cara kanggo ngrampungake prakarane (peleraian).

4.      Koda: pesen utawa nilai-nilai moral kang disampekake marang para pamiarsa.

 

Struktur teks drama tradisional, yen kapilah ing bagan, kaya ing ngisor iki.

Ciri bahasa teks drama tradisional

Ciri-ciri basa drama tradisional ing lakon Damarwulan kayata:

1. Drama tradisional Damarwulan settinge ing kraton, mula basa sing digunakake kalebu basa kedhatonan utawa basa ing tlatah kraton.

Tuladha:

Ø Sendika dhawuh, Kanjeng Ratu.

Ukara kasebut basa sing digunakake patih marang ratune bisa uga abdi marang bendarane.

Ø Nyuwun pangapunten Gusti, kula boten sagah ndherek, kula boten kiyat nandingi kadigdayanipun Minak Jingga.

Ukara ing dhuwur ana tembung Gusti, senajan gusti ing kene dudu ateges ratu, ananging nuduhake manawa wong sing diarani gusti duwe kalungguhan luwih dhuwur.

2.      Drama tradisional Damarwulan minangka drama tradisional saka tlatah Jawa Timur mula ana basa sing nuduhake dialek Jawa Timur.

Tuladha:

Ø Awakmu iki sapa, wani-wanine mlebu ing keputren Blambangan ora pamit?

Ing sajroning ukara ing dhuwur ana tembung awakmu, temibung awakmu kalebu dialek Jawa Timur amarga basa Jawa bakune yaiku tembung kowe.

 

Pesan moral teks drama tradisional

Pesan moral yaiku amanat sing biasa ana sajrone Drama tradisional. biasane wujud pesan moral sajrone teks drama iku tersurat.

 

 

5.  Teknik menulis skenario teks drama tradisional

Bab-bab sing kudu digatekake nalika nulis teks drama tradisional

1.      Temtokna sawijining tema.

2.      Temtokna crita apa kang bakal kokdadekake drama.

3.      Milih paraga lan watak kang selaras karo paraga lan watak ing crita

4.      Nemtokake alur, papan carita.

5.      Gawe adegan lan dialog saka paraga.

6.      Sawise teks drama wis dadi banjur talitinen maneh, lan manawa ana sing kurang trep bisa diowahi sadurunge ditampilake.

 

6.  Teknik bermain peran drama tradisional

Bab-bab kang kudu digatekake sadurunge maragake sawijining paraga ing drama yaiku:

1.   Nggatekake blocking nalika ing panggung.

2.   Nggatekake swara (vokal):

a.   swara kudu bisa dirungokake pamiarsa

b.   tembung-tembunge kudu cetha

c.   ora monoton

3.   Nggatekake artikulasi, tembung-tembung kang diunekake kudu cetha, saengga pamiarsa bisa ngerti maksude.

4.   Nggatekake intonasi yaiku tekanan-tekanan kang diwenehake ing tembung utawa dialog.

5.         Nggatekake mimik utawa ekspresi supaya luwih menghayati paraga kang diperagakake

Klik link iki kanggo penugasan lan absensi!