Kelas 9: Teks Pewara utawa MC

 Teks Pewara utawa MC

Assalammualaikum Warahmatullahi Wabarakatuh

Bapak Kepala MTS Al-Fatich ingkang satuhu kinurmatan

Bapak / ibu guru ingkang kula kurma

Kakak-kakak IX, adhik-adhik kelas VII sarta kanca-kancaku kelas VIII sing daktresnani

            Angka kaping kapisan, mangga kita sedaya sareng-sareng ngaturaken puja-puji syukur dhumateng Allah SWT ingkang sampun paring rahmat sarta hidayah ing wekdal punika, kula panjennegan sedaya sami saged makempal wonten ing MTS Al-Fatich, kanggen angestreni perpisahan kelas IX kanthi sehat walafiat mboten wonten alangan menapa.

            Ingkang kaping kaleh, sholawat ugi salam kita aturaken dhumateng nabi Muhammad SAW ingkang sampun nuntun kita sedaya saking margi ingkang lepat dumugi margi ingkang leres inggih menika dinul islam.

            Ingkang kaping tiga, kula ngucapaken matur suwun sanget dhumateng para rawuh ingkang sampun ngrawuhi dhateng panggenan menika.

            Sakderengipun acara punika diwiwiti, kula kajibah pranata adicara kapirangake maosaken menggah runtunipun adicara ingkang badhe kelampah:

1.      Pambuka

2.      Acara inti: prosesi wisudawan-wisudawatu

3.      Sambutan:

a.       Ketua panitia

b.      Wakil saking pengurus OSIS

c.       Wakil saking wisudawan-wisudawati

d.      Kepala sekolah MTS Al-Fatich

4.      Do’a

5.      Hiburan

6.      Panutup/ wasana basa

Ø  Kanggo ngawiwiti acara punika, mangga kita sareng-sareng maos basmallah.

Ø  Acara sepisan inggih punika, acara inti prosesi wisudawan-wisudawati MTS Al-Fatich

Ø  Acara kaping kalihipun sambutan. Sambutan kaping sepindhah ketua panitia kula sumanggaaken dhumateng bapak Ajim,S.pd., sambutan kaping kalih pengurus Osis MTS Al-Fatich disumanggakake, sambutan kaping tiga saking wisudawan-wisudwati MTS Al-Fatich kula sumanggaken, sambutan kaping sekawan saking bapak kepala sekolah bapak kepala MTS Al-Fatich kula sumanggaken dhumateng bapak Drs.Zakariya,M.pd.

Ø  Para rawuh ingkang kinurmatan, adicara ingkang kaping tiga inggih punika do’a ingkang badhe disampekake dening bapak M.subekhi,S.pd., kula sumanggaken.

Ø  Adicara kaping sekawan, inggih menika hiburan tari kreasi kaliyan tari tradisonal saking peserta didik kelas VIII MTS Al-Fatich

Ø  Paripurnanipun adicara mbokbilih wonten kirang anggon kula matur kula nyuwun agunging samudra pangaksami.

Wassalamualaikum warahmatullahi wabarakatuh.

 Struktur Teks Pewara (MC)

No	Struktur Teks	Keterangan
1	Salam Pambuka	(salam pakurmatan dhumateng para tamu / para rawuh)
2	Pambuka	(atur pamuji syukur dhumateng Gusti ingkang akarya jagad lan atur panuwun dhumateng para rawuh)
3	Isi	(bab ingkang badhe dipun aturaken dhumateng tiyang ingkang midhangetaken)
4	Panutup	(atur panyuwun lan nyuwun pangapuradhumatengpararawuh)

Unsur Kebahasaan Teks Pidhato

1.      “Ingkang sepisan, sumingga kita tansah amemuji dhumateng ngarsanipun Gusti ingkang Maha Kuwasa”.

Ukara ing ndhuwur ukarane kalebu basa krama inggil/ krama alus

2.      “Ingkang kapindho kula maringi kaweruh nyuwun kang tanpa upama”.

Ukara ing ndhuwur ukarane kalebu basa krama Lugu.

Unsur Kebahasaan Teks Pewara (MC)

1.         “Angka kaping tiga, kula ngucapaken matur nuwun sanget”.

Ukara ing ndhuwur ukarane kalebu basa Ngoko alus

2.         “Aku njaluk sepura sakakeh-akehe.”

Ukara ing ndhuwur ukarane kalebu basa Ngoko lugu

Nulis Rentaman (kerangka) Tanggap Wacana (Pidhato)

Jroning nindhakake tanggap wacana/ pidhato, bab-bab sing kudu digatekake kajaba rentaman tetembungan  runtut lan isine mentes, prayogane wong yen lagi menehi sesorah utawa tanggap wacana utawa pidhato iku kudu kaya ing ngisor iki:

a)        Ngadeg jejeg kanthi kebak kapiayatan pribadi

b)        Ulate nyenegake, aja mbesengut wae

c)        Obahwe awak sing prasaja, nanging tumanja (aja digawe-gawe)

d)       Swarane sing cetha (aja kebanteren lan aja kelirihen)

e)        Lagune swara kepenak dirungokake (aja monoton)

Supaya bisa nulis tanggap wacana luwih lancar, becike kudu nggawe rantaman/ kerangka tanggap wacana (pidhato) yaiku:

a.    Salam pambuka

b.    Pambuka kang nggambarake surasa basa/ isi

c.    Surasa basa utawa isi kang ngambarake ancas, tujuwan, sasaran, langkah, lsp

d.   Panutup (/dudutan, pangarep-arep, pesen/ amanat, panutup, lsp)

Kanggo dina iki cukup presensi mawon.

Link presensi