Kelas 8: Layang Pribadi

 A. Layang Pribadi

1. Pengertene Layang Pribadi : Layang pribadi yaiku layang kang isine ngenani kepentingan kang sipate pribadi utawa kaluwarga lan ditulis saka pawongan siji kanggo wong liya. 

2. Titikane layang pribadi : 

a. Ora nganggo sesirahe layang

b. Ora nganggo nomere layang

c. Ngunakake basa kang ora baku

3. Basa kang dianggo ing layang pribadi :

 Basa kang dianggo sajrone nulis layang pribadi yaiku ora baku. Nanging basa sajrone nulis layang pribadi uga digatekake miturut marang sapa layang kasebut ditujokake.  Yen layang pribadi mau katujokake marang wong tuwa mula basa kang dianggo yaiku krama. Yen layang pribadi mau katujokake marang kanca basa kang dianggo yaiku basa ngoko.

4  Perangane layang pribadi : 

a. Titi mangsa yaiku nyethakake wektu lan papan panulise layang

b.  Adangiyah yaiku nyebutake marang sapa layang ditujokake

c.  Salam pambuka yaiku isine nyebutahake salam

d. Purwaka basa yaiku sadurunge isine layang lumrahe isi atur pambagya wilujeng

e. Surasa basa yaiku isi layang kang dadi wigatine layang.

f.  Wasana basa yaiku pungkasane layang.

g. Paprenahan yaiku nyethakake kang nggawe layang

h. Tapak asta lan jeneng yaiku kang nyethakake jenenge sing ngirim layang.

5. Carane nulis layang pribadi : 

a. Aturan kang ana sajrone layang pribadi ora resmi, yaiku ora nggawe sesirahe layang.

b. Basa kang dianggo sajrone nulis layang pribadi yaiku basa ora baku.

c. Ngatekake struktur panulisan layang pribadi



Tuladha Layang Pribadi


Surabaya, 1 Januari Agustus 2021


Kagem Bapak Ibu 

Ing dalem Lamongan


Sembah pangabekti


Kadospundi kahananipun Bapak lan Ibu? Mugi – mugi Gusti tansah maringi kanugrahan lan kasehatan dhumateng Bapak lan Ibu. Alhamdulillah kula wonten Surabaya tansah wilujeng.

Bapak lan Ibu ingkang kula bekteni, kenanthenan layang menika kula badhe matur bilih kula dereng saged wangsul wonten Lamongan, awit ing sasi menika kula taksih nglampahi ujian. Mila saking menika kula nyuwun pangestu Bapak lan Ibu supados anggenkula nglampahi ujian saged lancar. Bapak lan Ibu, menawi benjing kula sampun bibar nglampahi ujian, kula badhe wangsul dhateng Lamongam. Mila, kula ugi nyuwun pangapunten jalaran dereng saged wangsul. 

 Mbok bilih mekaten ingkang saged kula aturaken, menawi wonten lepat kula nyuwun pangapunten.


Putra kang tansah tuhu ngabekti,



Saifuddin 


Kanggo dina iki cukup Presensi wae ya, Rek. 

Link Presensi











Komentar

Posting Komentar

Postingan populer dari blog ini

Kelas 8: Struktur Teks Wawancara

 Struktur Teks Wawancara: Struktur teks wawancara kedadeyan saka telung perangan kang tegese yaiku: 1. Definisi Umum Yaiku perangan pebuka ing wacan kang isine ngenani pangertene samubarang kang arep dirembug. 2. Definisi Bagian Yaiku perangan wacan kang isine ngandharake bab-bab kang luwih mirungan lan luwih cetha ngenani samubarang kang dirembug. 3. Definisi Manfaat Yaiku perangan wacan kang isine ngenani mupangate (manfaat) lan pigunane samubarang kang dirembug. Jenis-jenise Wawancara: a. Wawancara Bebas Yaiku wawancara kang susunan pitakone ora ditemtokake luwih dhisek lan kang diomongake gumantung marang swasana wawancara. b. Wawancara Indhividual  Yaiku wawancara kang ditindakake sawijining pawongan (pewawancara) kanthi responden tunggal. c. Wawancara konferensi Yaiku wawancara antarane pawongan tunggal klawan responden kang akeh utawa kosok baline. d. Wawancara binuka (terbuka) Yaiku wawancara kanthi wewaton pitakonan kang ora kawates wangsulane. e. Wawa...
Baca selengkapnya

Kelas 7: Teks Narasi Wayang

 Teks crita wayang kalebu teks narasi. Titikane teks narasi, kaya ing ngisor iki: a. Wujude wacan narasi bisa dideleng saka perangan wewangunan utawa struktur sing bisa mangun wacan lan perangan basa kang dumadi saka panganggone tembung, lan ukara. 1) Struktur wacan narasi dumadi saka orientasi, komplikasi, klimak, resolusi, reorientasi, lan koda/amanat. 2) Unsur basa, utawa wujud basane wacan narasi arupa tembunge, ukarane, lan wangune paragraf. Ing kalodhangan iki mligi ngenani tembung lan ukara sing dadi cirine wacan narasi, yaiku arupa tembung, ukara paesan utawa basa rinengga, lan unggah-ungguh basa. b. Tujuan panulisan lan pamacane wacan narasi kuwi kanggo panglipur sing bisa dijupuk pesan moral/nilai budi pekerti, lan hikmahe. c. Fungsi wacan narasi saliyane wujud medhar gagasan lan ide, uga kanggo marisake nilai budi pekerti luhur. Kang ana sajrone Stuktur Teks Narasi Orientasi, sudut pandhang/pamawas lan pengenalan utawa tetepungan, maksude pamawas utawa tetepungan karo t...
Baca selengkapnya

Kelas 8: Cerita Cekak (Cerkak)

1 . Pangerten Cerkak Cerkak mujudake salah sawijine jinis karya sastra kang maparake kisah utawa crita ngenani pawongan  janggkep klawan masalahe liwat tulisan cendhak utawa ringkes. Cerkak bisa uga ditegesi sawijining karangan fiktif kang isi panguripaning pawongan,kang dicritakake kanthi cekak utawa ringkes, lan mung munjer marang siji paraga wae. 2. Teks Cerkak Wacan ing ngisor iki wacanen kang titi! SAWIJINING WENGI ING MALIOBORO Jam sanga kurang seprapat, Arul wis cepak-cepak arep mangkat. Klambi kothak-kothak lengen dawa, clana jeans kluwus ning resik, lan sepatu loakan merk Nike olehe tuku ing pasar Beringharjo, kabeh wis dienggo. Senajan mung arep ngamen, ora ana eleke yen nyandhang pantes. Idhep-idhep kanggo ngajeni wong sing dingameni, mengkono panglocitane batine. Rampung dandan, Arul njupuk gitar sing gumlethak ing peturon, banjur jumangkah metu saka omah. Angin wengi semilir, nggawa ganda amrik kembang sedhep malem. Mbulan satampah lan lintang-lintang abyor ma...
Baca selengkapnya