Kelas 8: Struktur Teks Wawancara
Struktur Teks Wawancara:
Struktur teks wawancara kedadeyan saka telung perangan kang tegese yaiku:
1. Definisi Umum
Yaiku perangan pebuka ing wacan kang isine ngenani pangertene samubarang kang arep dirembug.
2. Definisi Bagian
Yaiku perangan wacan kang isine ngandharake bab-bab kang luwih mirungan lan luwih cetha ngenani samubarang kang dirembug.
3. Definisi Manfaat
Yaiku perangan wacan kang isine ngenani mupangate (manfaat) lan pigunane samubarang kang dirembug.
Jenis-jenise Wawancara:
a. Wawancara Bebas
Yaiku wawancara kang susunan pitakone ora ditemtokake luwih dhisek lan kang diomongake gumantung marang swasana wawancara.
b. Wawancara Indhividual
Yaiku wawancara kang ditindakake sawijining pawongan (pewawancara) kanthi responden tunggal.
c. Wawancara konferensi
Yaiku wawancara antarane pawongan tunggal klawan responden kang akeh utawa kosok baline.
d. Wawancara binuka (terbuka)
Yaiku wawancara kanthi wewaton pitakonan kang ora kawates wangsulane.
e. Wawancara tinutup (tertutup)
Yaiku wawancara kanthi wewaton pitakonan kang kawates wangsulane.
Unsur Kebahasaan Teks Wawancara
Ndelok cathetan ing dhuwur babagan apa-apa sing kudune disiyagakake nalika arep nindakake kegiyatan wawancara, salah sijine yaiku nalika wawancara kudu ngugemi sopan santun/ andhap asor. Tegese, kudu nganggo subasita lan unggah-ungguh basa kang bener, kanthi maksud ngajeni marang pawongan sing diajak wawancara (narasumber).
Nyusun Pedhoman Wawancara
Sadurunge nindakake wawancara luwih dhisik kudu nyiapake dhaftar pitakonan minangka pedhoman nalika nindakake wawancara. Pedhoman wawancara ditulis lelandhesan 5W + 1H. Unsur 5W + 1H ing teks wawancara yaiku:
1. What, tegese apa. Tembung apa gunane kanggo nakokake barang.
2. Who, tegese sapa, Tembung sapa gunane kanggo nakokake wong.
3. Why, tegese geneya. Tembung geneya, kadhang uga dianggo tembung kena apa, nyangapa gunane kanggo nakokake alasan.
4. When, tegese kapan. Tembung kapan gunane kanggo nakokake wayah utawa wektu.
5. Where, tegese ing endi. Tembung ing endi gunane kango nakokake papan panggonan.
6. How, tegese kepriye. Tembung kepriye gunane kanggo nakokake cara.
Nyusun dhaftar pitakonan kudu migatekake undha-usuke basa. Undha-usuke basa sing dienggo gumantung sapa narasumbere sing arep diwawancarai. Kejaba kuwi isine pitakonan dicundhukake karo tema.
Pepiling:
Bab-bab sing kudu digatekake nalika wawancara:
1. Ngerteni sapa singdijak wawancara, luwih enom, sadrajad, apa luwih tuwa.
2. Ngetrapake unggah-ungguh basa cundhuk karo umure narasumber.
3. Yen anarasumber lagi omong aja nganti munggel rembug.
4. Pitakon kudu runt lelandhesan pedhoman wawancara.
5. Migatekake wangsuan saka narasumber.
Teknik Nyusun Asile Wawancara:
Nulis tes asile wawancara ditindakake sawise nindakake wawancara karo narasumber. Ana bab-bab sing kudu digatekake, yaiku:
1) Teks wawancara ditulis sawise nindakake wawancara
2) Carane nulis sing takon minangka paraga pewawancara, sing mangsuli dadi paraga narasumber.
3) Olehe nulis ora kena nyimpang saka dhata sing ditulis utawa direkam nalka wawancara.
4) Dhata ditulis kanthi runtut lan genep manut asil wawancara.
Komentar
Posting Komentar