Kelas 10: Pengertian Artikel

PENGERTIAN ARTIKEL

Artikel yaiku karangan nyata kang jangkep kanthi dawa tinamtu kang digawe kanggo disebarake lumantar ariwarti (koran), kalawarti (majalah), buletin, lan sapanunggalane. Panulisan artikel ndarbeni ancas kanggo ngandharake gagasan lan fakta kang bisa ngyakinake, nggulawentah, lan nyenengake kang maca. Panulis artikel yaiku pawongan kang nindakake pakaryan ngarang sawijining seratan, nggabungake sawetara tembung dadi ukara kang wigati lan kepenak diwaca, saengga nggawe wong kang maca ngrasakake lan mangerteni apa kang sadurunge durung dimangerteni.

Panulis artikel maneka werna kriteriane, yaiku:

a.       Panulis artikel buku

b.      Panulis artikel pawarta

c.       Panulis artikel marketing

d.      Panulis artikel online

e.       Panulis artikel narasi

f.       Panulis artikel naskah

 

STRUKTUR ARTIKEL

1.      Irah-irahan

2.      Alinea purwaka

3.      Alinea jlentrehan

4.      Alinea panutup

 

JINIS-JINIS ARTIKEL

Seratan kaisi opini pawongan kang ngenani prekawis kang asipat aktual lan kadangkala kontroversial kanthi ancas menehi kawruh. Jinis artikel yaiku:

1.      Deskripsi

Seratan kaisi gambaram ngenani babagan kahanan saengga pamaca bisa ndeleng, ngrungokake, utawa ngrasakake babagan kasebut. Wujud deskripsi yaiku kasunyatan

2.      Narasi

Narasi bisa kasebut minangka crita. Ing narasi ana prastawa utawa kedadeyan sajrone urutan wektu. Sajrone kedadeyan iku uga ana paraga kang ngadepi konflik. Narasi bisa kaisi kasunyatan utawa fiksi.

3.      Eksposisi

Seratan iki kaisi jlentrehan ngenani babagan topik kanthi ancas menehi kawruh kanggo pamaca. Kanggo nyethakake jlentrehan, bisa dijangkepi karo grafik, gamnar utawa statistik.

4.      Argumentasi

Seratan iki ancase mbuktikake kasunyatan pamanggih utawa dudutan karo data minangka bukti. Ing argumentasi pangripta pangarep-arep kasunyatan pamanggihe pamaca.

5.      Persuasi

Seratan iki ancase ngaruhi pamaca kanggo tumindak siji babagan. Ing persuasi pangripta pangarep-arep anane sikap motorik arupa tumindak kang dilakoni karo pamaca padha karo apa kang dianjurake panyerat sajrone karangane.

Rupa-rupa artikel:

1.      Artikel praktis

Artikel praktis kaya pituduh-pituduh cara nggawe, dandani, lan migunakake piranti. Artikel praktis luwih nekanake ketrampilan tinimbang pangaweruhan utawa analisis kanggo prekawis. Panulisane luwih cocok nggunakake wujud karangan narasi. Tegese yaiku pesen disusun padha karo urutan wayah, kadadeyan, lan utawa tahapan-tahapan.

2.      Artikel entheng

Artikel entheng biyasane ngrembug prekawis-prekawis kang entheng ota mbutuhake pangertenan jero. Artikel mangkene ana ing jero rubrik-rubrik kalawarti rumaja utawa ariwarti. Artikel entheng biyasa arupa wara-wara utawa lelipur. Macane uga ora mbutuhake gatekan lan konsentrasi kebak. Jinis artikel iki biyasane ana neng panggonan umum kaya rumah sakit utawa stasiun.

3.      Artikel opini

Ana ing satemene, kabeh artikel iku opini, nanging artikel kang siji iki dipanggonake ana ing njerone ariwarti utawa kalawarti dipanggonake khusus opini kayata; karikatur, pojok, kolom, lan layang pamaca. Artikel opini biyasane ngonceki kanthi tuntas ngenani prekawis kanthi cara akademis. Mula saka iku, panulisane kudu wong-wong kang bener-bener ahli ana ing bidhange.

KARAKTERISTIK ARTIKEL

Miturut AS Haris Sumadiria (2009: 4), artikel nduweni 7 karakteristik:

1.      Tinulis karo dhuwur jeneng (by line story).

2.      Ngandhut gagasan aktual lan utawa kontroversial.

3.      Gagasan kang dijupuk kudu ngusung kepentingan sakanggon paling gedhe khalayak pamaca.

4.      Tinulis kanthi cara referensial karo visi intelektual.

5.      Dicawisake sajrone basa kang urip, seger, populer, komunikatif,

6.      Singkat lan tuntas, lan

7.      orisinal.

PRINSIP MACA EKSPRESIF

a.       Volume swara

Lantang utawa genahe swara nalika maca artikel

b.      Artikulasi swara

Pangocapan tembung-tembung kanthi cetha

c.       Intonasi

Dhuwur cendhake swara nalika maca tembung-tembung ing artikel

d.      Gerak awak

Gerak sakabehe awak

e.       Mimik

Ekspresi owahe wajah gathuk karo gerak awak

f.       Pandhangan

Arah mripat ndeleng, kang kudune menyang sakabehe arah.


Kerjakaan soal harian disini: Link Gaes


Komentar

Posting Komentar

Postingan populer dari blog ini

Kelas 8: Struktur Teks Wawancara

 Struktur Teks Wawancara: Struktur teks wawancara kedadeyan saka telung perangan kang tegese yaiku: 1. Definisi Umum Yaiku perangan pebuka ing wacan kang isine ngenani pangertene samubarang kang arep dirembug. 2. Definisi Bagian Yaiku perangan wacan kang isine ngandharake bab-bab kang luwih mirungan lan luwih cetha ngenani samubarang kang dirembug. 3. Definisi Manfaat Yaiku perangan wacan kang isine ngenani mupangate (manfaat) lan pigunane samubarang kang dirembug. Jenis-jenise Wawancara: a. Wawancara Bebas Yaiku wawancara kang susunan pitakone ora ditemtokake luwih dhisek lan kang diomongake gumantung marang swasana wawancara. b. Wawancara Indhividual  Yaiku wawancara kang ditindakake sawijining pawongan (pewawancara) kanthi responden tunggal. c. Wawancara konferensi Yaiku wawancara antarane pawongan tunggal klawan responden kang akeh utawa kosok baline. d. Wawancara binuka (terbuka) Yaiku wawancara kanthi wewaton pitakonan kang ora kawates wangsulane. e. Wawa...
Baca selengkapnya

Kelas 7: Teks Narasi Wayang

 Teks crita wayang kalebu teks narasi. Titikane teks narasi, kaya ing ngisor iki: a. Wujude wacan narasi bisa dideleng saka perangan wewangunan utawa struktur sing bisa mangun wacan lan perangan basa kang dumadi saka panganggone tembung, lan ukara. 1) Struktur wacan narasi dumadi saka orientasi, komplikasi, klimak, resolusi, reorientasi, lan koda/amanat. 2) Unsur basa, utawa wujud basane wacan narasi arupa tembunge, ukarane, lan wangune paragraf. Ing kalodhangan iki mligi ngenani tembung lan ukara sing dadi cirine wacan narasi, yaiku arupa tembung, ukara paesan utawa basa rinengga, lan unggah-ungguh basa. b. Tujuan panulisan lan pamacane wacan narasi kuwi kanggo panglipur sing bisa dijupuk pesan moral/nilai budi pekerti, lan hikmahe. c. Fungsi wacan narasi saliyane wujud medhar gagasan lan ide, uga kanggo marisake nilai budi pekerti luhur. Kang ana sajrone Stuktur Teks Narasi Orientasi, sudut pandhang/pamawas lan pengenalan utawa tetepungan, maksude pamawas utawa tetepungan karo t...
Baca selengkapnya

Kelas 8: Cerita Cekak (Cerkak)

1 . Pangerten Cerkak Cerkak mujudake salah sawijine jinis karya sastra kang maparake kisah utawa crita ngenani pawongan  janggkep klawan masalahe liwat tulisan cendhak utawa ringkes. Cerkak bisa uga ditegesi sawijining karangan fiktif kang isi panguripaning pawongan,kang dicritakake kanthi cekak utawa ringkes, lan mung munjer marang siji paraga wae. 2. Teks Cerkak Wacan ing ngisor iki wacanen kang titi! SAWIJINING WENGI ING MALIOBORO Jam sanga kurang seprapat, Arul wis cepak-cepak arep mangkat. Klambi kothak-kothak lengen dawa, clana jeans kluwus ning resik, lan sepatu loakan merk Nike olehe tuku ing pasar Beringharjo, kabeh wis dienggo. Senajan mung arep ngamen, ora ana eleke yen nyandhang pantes. Idhep-idhep kanggo ngajeni wong sing dingameni, mengkono panglocitane batine. Rampung dandan, Arul njupuk gitar sing gumlethak ing peturon, banjur jumangkah metu saka omah. Angin wengi semilir, nggawa ganda amrik kembang sedhep malem. Mbulan satampah lan lintang-lintang abyor ma...
Baca selengkapnya